NEXT-STATION

NEXT-STATION Gipuzkoan mugikortasun konektatuaren erronkari erantzuteko helburua duen proiektu kolaboratiboa da. Garraio publikoaren geralekuak nodo adimendun bihurtzea du xede, sentsorika, zerbitzu digitalak eta denbora errealeko informazioa integratuz. Horren bidez, erabiltzaileen esperientzia hobetu, administrazioei mugikortasunaren kudeaketa erraztu eta garraio-sistema eraginkorrago, irisgarriago eta iraunkorrago baterantz aurrera egin nahi da.

Proiektua MLC-ITS Euskadik, WimbiTekek, Baturak eta Beasaingo Udalak bultzatzen dute, DiaraDesignen laguntzarekin, eta Gipuzkoako Foru Aldundiaren Misioak 2025 programak finantzatuta dago. Parada SPX ekimenaren garapenetan oinarritzen da eta lehenengo ezarpena Beasainen egingo da, intermodalitatearako gune estrategiko batean, lurralde osoan mugikortasun konektatuago baterantz lehen urratsa emanez.