H2TRADIS

H2TRADIS industria-ikerketako proiektu bat da. Hidrogeno berriztagarriaren garraioa eta banaketa adimenduna optimizatzeko ekosistema digital aurreratu bat garatzen du, energia-bektore hori hiri-mugikortasun jasangarriaren eta industria-deskarbonizazioaren zutabe bihurtzeko helburuarekin.

Proiektua hiru ardatzen inguruan egituratzen da: hidrogenoa garraiatzeko eta banatzeko sistema adimendun eta seguru baten garapena; modelizazio aurreratua eta adimen artifiziala konbinatzen dituen logistika-plataforma digital bat, bilketa, biltegiratzea eta banaketa optimizatzeko; eta «swapping» edo depositu-trukerako sistema berritzaile bat, hiri-mugikortasunean aplikatzeko pentsatua.

Esergui enpresak koordinatuta, H2TRADISek enpresek eta Zientzia, Teknologia eta Berrikuntzaren Euskal Sareko (ZTBES) eragileek osatutako partzuergo bat biltzen du, balio-kate osoa hartzen duena, eta 34 hilabetez garatuko da, 2028ra arte. Klusterrak gidatzen ditu proiektuaren komunikazio- eta zabalkunde-jarduerak.

Eusko Jaurlaritzako Industria, Trantsizio Energetiko eta Jasangarritasun Sailak diruz lagundutako proiektua (Hazitek 2026 programa), Europar Batasunak Eskualde Garapenerako Europako Funtsaren (EGEF 2021-2027) bidez kofinantzatua.

H2TRADIS «Hub de Combustibles Renovables» Proiektu Eraldatzailearen barruan kokatzen da.