T-SHIPPING

Konpainien artean prozesu logistikoetan konfiantza, elkarreragingarritasun eta zibersegurtasun handiagoa nola lortu ikertuko du proiektu honek, enpresen lan egiteko moduan aldaketa handirik eragin gabe.

Industria-ikerketaren barruan dagoen proiektua bi fasetan egituratuta dago. Lehenengoan, merkatuaren beharrak eta laborategiko probak estaliko dituen irtenbide bat diseinatzea planteatzen da, logistika-sektoreari aplikatutako teknologien ulermen-maila hobea lortzeko. Bigarren fasean, sistemaren prototipo bat garatuko da, frogagailu baten bidez laborategiko inguruneetan baliozkotze-probak egin ahal izateko.